Shyǵys Qazaqstanda joǵalǵan 1 úıir jylqy ıesine qaıtaryldy

ÓSKEMEN. QazAqparat – Shyǵys Qazaqstan oblysy Jarma aýdanynda polıtsııa qyzmetkerleri joǵalǵan 1 úıir jylqyny ıesine qaıtardy, dep habarlaıdy QazAqparat tilshisi.

Polıtsııaǵa habarlasqan sharýa qojalyǵynyń 54 jastaǵy ıesi 46 bas jylqysynyń urlanǵanyn jetkizdi. Jylqylaryn bir aptadan astam ýaqyt boıy óz betimen izdegenimen, odan esh nátıje shyqpaǵan.

«Tártip saqshylary dereý izdestirý jumystaryna kiristi. Urylar maldy aıdap ketýi múmkin degen jerlerdiń barlyǵy tekserildi. Nátıjesinde, jylqylar joǵalǵan jerden 20 shaqyrymdaı qashyqtyqtan tabyldy. Belgili bolǵandaı, qaraýsyz qalǵan mal uzaqqa jaıylyp ketken», - dedi ShQO Polıtsııa departamenti bastyǵynyń orynbasary Talǵat Shaıahmetov.

Óz kezeginde sharýa qojalyq ıesi jylqylaryn tez arada taýyp bergen polıtseılerge shynaıy rızashylyǵyn bildirdi.