Shyǵys Qazaqstanda jer úılerdi sý basty
ÓSKEMEN. QazAqparat – Shyǵys Qazaqstan oblysy Borodýlıha aýdanynda 2 úıdi sý basty, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Borodýlıha aýdany Rechnoe kentindegi Úbe ózeninde muz keptelip, sý deńgeıi kóterilip ketti. Sonyń saldarynan Abeýov kóshesindegi 2 turǵyn úı men 3 úı mańyndaǵy aýmaqty sý basty.
«16 turǵyn, onyń ishinde 2 bala kórshileriniń úılerine ornalastyryldy. Sondaı-aq 24 bas mal qaýipsiz jerge kóshirildi. Oqıǵa ornyna jeke quramnan 38 adam, 3 tehnıka, 1 júzý quraly jáne 7 motopompa jumyldyryldy. Jergilikti atqarýshy organ qyzmetkerleri de tartylǵan», - delingen aqparatta.
Aýylda barlyǵy 41 jer úı bar. Onda 104 adam turady. Halyqty evakýatsııalaý qajet bolǵan jaǵdaıda Krasnoıarsk orta mektebiniń ǵımaraty paıdalanylatyn bolady.
