Shyǵys Qazaqstanda jer úılerdegi órt azaıdy

ÓSKEMEN. QazAqparat – Shyǵys Qazaqstan oblysynda bıyl jer úılerde órt shyǵý oqıǵalary birshama azaıdy, dep habarlaıdy QazAqparat tilshisi.

Bul jaıly Aqparat ortalyǵynda ótken baspasóz brıfıngi barysynda oblystyq TJD memlekettik órt baqylaý basqarmasy bastyǵynyń orynbasary Rústem Sembaev aıtty.

«Óńir boıynsha 238 110 úıdiń turǵyndary pesh jaǵady. Onyń ishinde 179 262 jeke turǵyn úı bolsa, 31 109-y kóppáterli úı. Turǵyn úı sektoryndaǵy órt jalpy oblys aýmaǵyndaǵy órtterdiń 60%-ynan astamyn quraıdy», - dedi ol.

Jyl basynan beri Shyǵys Qazaqstanda 950 órt tirkelse, onyń 582-si turǵyn úılerde bolǵan. Qutqarýshylardyń aıtýynsha, qyzyl jalyn shyǵýynyń negizgi sebepteri – otty abaısyz paıdalaný (249 oqıǵa), pesh ornatý jáne paıdalaný kezinde qaýipsizdik talaptaryn buzý (160), elektr jabdyqtaryn montajdaý jáne paıdalaný erejelerin saqtamaý (81). Bıyl ıis tıgen 10 adam kóz jumǵan.

«Osy jyly byltyrǵymen salystyrǵanda turǵyn úılerdegi órtterdiń sany 32,6%-ǵa tómendedi. Tilsiz jaýdan mert bolǵandar sany – 33. Bul ótken jylmen salystyrǵanda 5%-ǵa az», - dedi Rústem Sembaev.