Shyǵys Qazaqstanda jeńil kólik pen KamAZ soqtyǵysyp, 4 adam qaza boldy

ÓSKEMEN. QazAqparat – Shyǵys Qazaqstan oblysynda tasjolda jeńil kólik pen KamAZ soqtyǵysyp, 4 adam qaza boldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, jol-kólik oqıǵasy 3 tamyz kúni Kúrshim aýdanynyń aýmaǵynda bolǵan.

«Kúrshim-Qaljyr» tasjolynyń 99-shaqyrymynda «Nissan Teana» markaly avtokólik pen KamAZ soqtyǵysty. Sonyń saldarynan jeńil kóliktegi 4 jolaýshy, onyń ishinde 2023 jylǵy sábı sol jerde kóz jumdy», - delingen aqparatta.

Qazirgi ýaqytta jol apatynyń naqty qalaı bolǵany, kimniń kináli ekendigi belgisiz.

Polıtsııa qyzmetkerleri sotqa deıingi tergeý amaldaryn júrgizýde. Oqıǵanyń mán-jaıy anyqtalýda.

Eske salsaq, osyǵan deıin Rıdderde bir apta buryn joǵalǵan áıeldiń denesi ózen jaǵasynan tabylǵany habarlanǵan.