Shyǵys Qazaqstanda jedel járdem kóligi qar qursaýynda qalyp qoıdy
JARMA AÝDANY. QazAqparat – Shyǵys Qazaqstanda ishinde patsıenti bar jedel járdem kóligi qar qursaýynda qalyp qoıdy, dep habarlaıdy QazAqparat tilshisi ShQO Jarma aýdany tótenshe jaǵdaılar bólimine silteme jasap.
TJB-nyń habarlaýynsha, jaqynda ǵana jedel járdem kóligi Jaryq pen Qalbataý aýyldarynyń arasynda qar qursaýynda qalyp qoıǵan. Kólikte naýqas áıel bar ekeni belgili bolǵan. Qutqarýshylar jedel oqıǵa ornyna barǵan.
«Malaı aýylyna jetken soń Jarma aýdanynyń tótenshe jaǵdaılar bóliminiń bastyǵy Qabdylǵabıt Otynbaev pen onyń júrgizýshisi ári qaraı jol talǵamaıtyn arnaıy tehnıkamen shyqqan. Óıtkeni kólikter qardyń qalyń túsýine baılanysty ary qaraı júre almaǵan», - dep atap ótti TJ bóliminde.
Patsıent arnaıy tehnıkanyń kómegimen Jańǵyztóbeden kelgen jedel járdemge kóligine jetkizildi. Oǵan alǵashqy medıtsınalyq kómek kórsetilgen. Keıinnen naýqasty aýdandyq aýrýhanaǵa jetkizgen. Densaýlyǵyna tóngen qaýip joq ekenin habarlandy.
Aıta keteıik, jol talǵamaıtyn tehnıkany Jarma aýdanynyń ákimdigi bergen.
