Shyǵys Qazaqstanda jaz bastalǵaly beri 6 adam sýǵa ketti
ShQO TJD daǵdarys ortalyǵynda oblys ákiminiń orynbasary Baqytjan Baıahmetovtyń tóraǵalyǵymen keńes ótti. Onda óńir halqyn tótenshe jaǵdaılardan qorǵaý maqsatyndaǵy jumystyń tıimdiligin arttyrý máselesi talqylandy.
Bıyl departament qyzmetkerleri 2420 oqıǵaǵa jedel barǵan. Onda 117 adam qutqarylyp, 211 adam evakýatsııalandy jáne 133 zardap shekken adamǵa kómek kórsetildi.
«Turǵyn úı sektoryndaǵy órtti azaıtý úshin TJD ókilderi kún saıyn aýlalardy aralap jatyr. Jyl basynan beri 106 myńnan astam adam qamtyldy. Baqylaýdaǵy obektilerde órttiń aldyn alý maqsatynda 279 nysan tekserildi. Sonyń barysynda órt qaýipsizdigi erejelerin buzýdyń 1 659 faktisi anyqtaldy», - delingen aqparatta.
Órttiń aldyn alý úshin 272 adamnan turatyn 46 birlesken mobıldi top qurylǵan. Olar 535 ret reıdke shyqty. Nátıjesinde, órt qaýipsizdigi talaptaryn saqtamaǵan 55 adam jaýapqa tartyldy.
«Shomylý maýsymy bastalǵaly beri qutqarýshylar oblystyń sý aıdyndarynda 1 738 reıd, halyqpen 154 jıyn jáne sý jaǵasynda 10 myńnan astam demalýshy qamtylǵan 18 aktsııa ótkizdi. Búgingi kúni polıtseılermen birlesip patrýldeý jumysy júrgizilip jatyr. Sonyń nátıjesi boıynsha 44 quqyq buzýshy ákimshilik jaýapkershilikke tartyldy», - delingen habarlamada.
Júrgizilip jatqan jumystarǵa qaramastan oblysta jaz bastalǵaly beri 6 adam sýǵa batyp ketti, onyń ishinde bireýi – bala. Barlyq jaǵdaı shomylýǵa tyıym salynǵan jerde bolǵan.