Shyǵys Qazaqstanda jasandy jolmen qar túsirildi
ÓSKEMEN. QazAqparat – Shyǵys Qazaqstan oblysynda jasandy jolmen qar kóshkini túsirildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 11 aqpanda qar kóshkininiń aldyn alý sharalary «Óskemen-Samar» tasjolynyń 95-102 shaqyrymynda júrgizildi.
«Óńirdegi qubylmaly aýa raıy men jeldiń kúsheıýine baılanysty atalǵan jol ýchaskesinde kóshkin júrý qaýpi arta túsken. Soǵan oraı jasandy jolmen 3840 tekshe metr qar túsirildi. Tasjoldyń 101-shaqyrymynda túsirilgen 1800 tekshe metr qar joldy jartylaı jaýyp qalǵan. «OblShyǵysJol» qyzmetkerleri birden qardy tazalap, joldy ashty», - delingen habarlamada.
Osy rette, vedomstvo ókilderi óńir turǵyndaryna taýly jerlerge barmaýǵa keńes beredi.
Aıta keteıik, Shyǵys Qazaqstanda 11-14 aqpanda kóshkin júrý qaýpi bar. https://kaz.inform.kz/news/shko-da-osy-aptanyn-sonyna-deyin-kar-koshkini-zhuru-kaupi-bar_a3751904
