Shyǵys Qazaqstanda jasandy jolmen qar kóshkini túsirildi
ShQO Tótenshe jaǵdaılar departamenti baspasóz qyzmetiniń málimetine súıensek, qar kóshkininiń aldyn alý sharasy búgin «Óskemen-Samar» tasjolynyń ýchaskesinde júrgizildi.
«Qazseldenqorǵaý» ShQ fılıalynyń qyzmetkerleri men qutqarýshylar birlesip, atalǵan tasjoldyń 95-102 shaqyrymyndaǵy taý bókterinde jarylys jasady. Sonyń nátıjesinde 1800 tekshe metr qar túsirildi. Qar joldy tolyqtaı jaýyp qaldy.
«Sońǵy kúnderi oblysta qar kóp jaýdy. Osylaısha, taýly jerlerde qar molynan jınalyp qalǵan. Áli de óńir boıynsha qar kóshkini qaýpi saqtalýda. Jasandy jolmen qar kóshkinin túsirý jumystaryn jalǵastyramyz», - dedi «Qazseldenqorǵaý» ShQ fılıalynyń basshysy Omar Dúzgimbaev.
Osy rette, TJD qyzmetkerleri qar kóshkini qaýpine oraı turǵyndarǵa barynsha abaı bolýdy, eshbir jaǵdaıda taýǵa shyqpaý qajettigin eskertti. Eger qandaı da bir qıyndyqqa tap bolǵan jaǵdaıda «112» nómirine qońyraý shalyńyz.
Foto: ShQO TJD