Shyǵys Qazaqstanda jasandy jolmen qar kóshkini túsirildi
ÓSKEMEN. QazAqparat – Shyǵys Qazaqstan oblysynda jasandy jolmen qar kóshkini túsirildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, sońǵy kúnderi óńirde qalyń qar jaýyp, qatty jel soǵýyna baılanysty «Óskemen-Serebrıansk-Altaı» tasjolynyń 58-65 shaqyrymynda kóshkin júrý qaýpi arta túsken.
«Soǵan baılanysty «Qazseldenqorǵaý» ShQOF mamandary 4 ret jarylys jasap, 2510 tekshe metr qar túsirilgen. Osylaısha, asa qaýipti ýchaske qardan tazartyldy», - delingen aqparatta.
Aıta keteıik, óńirde qar kóshkini qaýpi bar kezeń bastalǵaly beri 25 ret kóshkin túsirý jumystary júrgizilip, 19860 tekshe metr qar túsirilgen.
