Shyǵys Qazaqstanda jańa ulttyq tabıǵı park paıda bolady
ASTANA. QazAqparat - Shyǵys Qazaqstan oblysynda jańa ulttyq tabıǵı park qurylady.
Ol Úrjar aýdanynda ornalasatyn bolady, dep habarlaıdy QazAqparat YK-news.kz saıtyna silteme jasap.
Bul týraly oblystyq Qoǵamdyq keńesiniń otyrysy barysynda málim boldy. Jobalanyp jatqan Tarbaǵataı memlekettik ulttyq tabıǵı parkiniń aýmaǵy 143,5 myń gektardy quramaq.
«Park tabıǵı keshenderdiń bıologııalyq jáne landshafttyq ár alýandyǵyn saqtaý úshin jasaqtalady», - dep naqtylady ShQO jer qatynastary basqarmasynyń basshysy Vıktorııa Barsýkova.
Ulttyq tabıǵı park alty bólikten turatyny josparlanýda, oǵan Tarbaǵataı jotasynyń bir bóligi, Qarabas pen Arqaly taýlarynyń bir bóligi, sondaı-aq Úrjar, Qyzylsý jáne Emel ózenderi alqaptarynyń ýchaskeleri enetin bolady.
