Shyǵys Qazaqstanda jańa kópirlerdiń qurylysyna qansha qarajat kerek
ASTANA. QazAqparat - Shyǵys Qazaqstan oblysynyń Kúrshim aýdanynda Buqtyrma sý qoımasynyń ústimen ótetin kópir «Óńirlerdi damytý» baǵdarlamasy boıynsha salynatyn boldy. Bul týraly óńirlik memlekettik-jekemenshik áriptestik ortalyǵynyń basshysy Shákárim Buqtuǵutovqa silteme jasap altaynews.kz saıty habarlady.
«Sh.Buqtuǵutovtyń aıtýynsha, Eýropa qaıta qurý jáne damý banki bul jobany tıimsiz dep taýyp, qarjy quıýdan tartynyp otyrsa kerek», - dep jazady saıt.
Kópten beri aıtylyp kele jatqan kópir qurylysy «Óńirlerdi damytý» baǵdarlamasy boıynsha júzege asyrylady.
«Bul kópir «Óńirlerdi damytý» baǵdarlamasy boıynsha salynady. Joba quny - 37,4 mlrd. teńge. Memleket oǵan ortaq qarjylandyrýshy retinde kiredi», - dedi ol.
Al Óskemendegi Vınogradov kóshesin Óskemen-Tavrııa tasjolymen Ertis arqyly tikeleı jalǵaıtyn kópir qurylysyna 62,1 mlrd. teńgeniń ınvestıtsııasy qajet. Dál osy jobaǵa eýropalyq bank qyzyǵýshylyq tanytyp otyr.
