Shyǵys Qazaqstanda zańsyz aınalymnan 60-qa jýyq qarý tárkilendi
ÓSKEMEN. QazAqparat – Shyǵys Qazaqstan oblysynda zańsyz aınalymnan 59 qarý tárkilendi, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, tártip saqshylary jyl basynan beri zańsyz aınalymnan 59 qarý men 242 oq-dári tárkiledi.
Onyń ishinde ıir oıyqty 9, tegis uńǵyly 46 qarý, gaz jáne travmatıkalyq pıstoletter men elektroshoker bar.
«Atalǵan faktiler boıynsha QR Ákimshilik quqyq buzýshylyq týraly kodekstiń 482-babyna sáıkes 52 azamat ákimshilik jaýapkershilikke tartyldy, Sondaı-aq Qylmystyq Kodekstiń 287-baby boıynsha 22 is qozǵalǵan. Bıyl polıtseıler 10 569 azamattyq qarý ıelerin turǵylyqty jeri boıynsha tekserdi», - delingen aqparatta.
Tekserý nátıjesine sáıkes 168 buzýshylyq anyqtalyp, olar boıynsha ákimshilik hattama toltyryldy.
