Shyǵys Qazaqstanda vaktsınadan bas tartqandar 3 ese artyp otyr
ShQO Sanıtarııalyq-epıdemıologııalyq baqylaý departamenti baspasóz qyzmetiniń málimetine súıensek, jyl basynan beri óńir aýmaǵynda ekpeden bas tartýdyń 78 faktisi tirkeldi. Bul byltyrǵy kezeńmen salystyrǵanda 3 ese kóp.
«Osynyń saldarynan túrli aýrýlardyń taralýyna jol berilýi múmkin. Sondyqtan halyqty ekpe saldyrýdan bas tartpaýǵa shaqyramyz. Jalpy bıyl oblysta 1 jasqa deıingi nárestelerdiń 97,6 paıyzy BTsJ, 96,7 paıyzy V vırýstyq gepatıtine qarsy ekpe aldy. Birden asqan balalardyń 39%-y pnevmokokk ınfektsııasyna, 40,9%-y qyzylsha, qyzamyq, epıdemııalyq parotıtke qarsy vaktsına saldyrǵan. Sondaı-aq dıfterııa men sirespege qarsy 6066 adam vaktsınatsııalandy», - deıdi departament basshysynyń orynbasary Sáýle Slıamǵazına.
Onyń aıtýynsha, bıyl A-2 vırýsty gepatıtine qarsy 1681 bala, kene entsefalıtine qarsy 6874 adam ekpe saldyrǵan. Jalpy vaktsınatsııalaý sharalary oblystyń 25 emhanasynda júrgizilýde.
