Shyǵys Qazaqstanda vaktsına saldyrǵandar sany 900 myńǵa jýyqtady

ÓSKEMEN. QazAqparat – Shyǵys Qazaqstan oblysynda koronavırýsqa qarsy vaktsına alǵandar sany 900 myńǵa jýyq adamdy qurady, dep habarlaıdy QazAqparat tilshisi.

ShQO densaýlyq saqtaý basqarmasy baspasóz qyzmetiniń málimetine súıensek, óńir boıynsha COVID-19 ınfektsııasyna qarsy ekpe saldyrǵandar sany kún sanap artyp keledi.

Búgingi tańda vaktsınanyń I komponentin - 890 358 adam, II komponentin - 827 664 adam saldyrdy.

«Qazirde oblystyń medıtsınalyq mekemelerinde ekpeniń birinshi komponentiniń 15 117 dozasy, ekinshi komponentiniń 32 738 dozasy qaldy. Turǵyndarǵa vaktsınanyń 3 túri salynyp jatyr. Atap aıtqanda, Spýtnık V, QazVac, jáne Sinopharm. Jalpy aımaq boıynsha vaktsınatsııalaý jospary 901 080 adamdy quraıdy», - delingen aqparatta.

Aıta keteıik, sońǵy táýlikte Shyǵys Qazaqstanda 77 adam koronavırýs juqtyrǵan.