Shyǵys Qazaqstanda úzdik muǵalimder marapattaldy
Aımaq basshysy Danıal Ahmetov pedagogtardy kásibı merekelerimen quttyqtady.
«Búgin jaýapkershiligi asa joǵary mamandyqtardyń biri – ustazdar qaýymynyń merekesi. Árbireýimizdiń mektep qabyrǵasyn alǵash ret attaǵanymyz, aıaýly ustazdarymyzdyń bizge bergen bilimi, tálim-tárbıesi, aqyl parasaty árqashan jadymyzda. Muǵalim bolý úshin pedagogıkalyq bilim azdyq etedi. Óıtkeni oqýshynyń psıhologııasyn meńgerip, ony bilim nárimen sýsyndatyp, bolashaq urpaqtyń sanasyna adamı qasıetterdi, rýhanı qundylyqtardy sińirý qajet», - dedi ol.
Oblys ákiminiń aıtýynsha, pandemııanyń qıyn kezeńderinde muǵalimder eleýli eńbek etip, qashyqtan bilim berýdi jalǵastyrdy.
«Adam balasynyń tulǵa bolyp qalyptasýy mektep kezinen bastaý alady. Oǵan sebepker bolatyn adamdardyń biri – muǵalimder. Sebebi oqýshynyń boıynan qandaı da bir qasıetti baıqap, ony jetildirýge, boıyndaǵy bar talantty ashyp, damytý úshin qoldarynan kelgenin aıamaıdy. Qurmetti ustazdar, sizderdi kásibı merekelerińizben shyn júrekten quttyqtaımyn jáne jumystaryńyzǵa tabys, myqty densaýlyq, zor baqyt tileımin!», - dedi Danıal Ahmetov.
Aıtýly kúnge oraı «Úzdik muǵalim» baıqaýynyń oblystyq kezeńiniń jeńimpazdaryna 800 myń teńgeden aqshalaı sertıfıkattar tabystaldy. Sondaı-aq jemisti eńbek etken ustazdarǵa Alǵys hattar men baǵaly syılyqtar berildi.