Shyǵys Qazaqstanda úıden ketip qalǵan qyzy úshin anasy jaýapqa tartyldy
ÓSKEMEN. QazAqparat - Zyrıan aýdandyq sotynda jergilikti turǵynǵa qatysty is qaraldy. Aýdan turǵyny 14 jastaǵy qyzy tórt kún úıde bolmaǵany úshin jaýapqa tartylǵan, dep habarlaıdy QazAqparat Altaynews.kz-ke silteme jasap.
Anyqtalǵandaı, álgi áıeldiń qyzy Evgenııa anasymen ursysyp, úıden ketip qalǵan. Qońyraý shalǵanda, qurbysynyń úıinde otyrǵanyn aıtqan, al biraz ýaqyttan keıin qońyraýǵa jaýap bermeı qoıady.
Qyzy úshin alańdaǵan ana Zyrıan aýdandyq polıtsııa bólimine júginedi. Eki kúnnen keıin tártip saqshylary joǵalǵan jasópirimdi izdep taýyp, úıine qaıtardy. Ol osy ýaqyt boıy tanystarynyń úıinde bolǵan eken.
Aýdandyq sot aqparatynsha, kámelet jasyna tolmaǵan balasy úshin zańdy ókili jaýapkershilikke tartylady. Anasy qyzynyń tórt kún úıde bolmaǵanyn moıyndaǵan. Mundaı uqsas jaǵdaılar buǵan deıin de oryn alǵan kórinedi.
Sot úkimi boıynsha, jasóspirimniń anasy ákimshilik quqyq buzýshylyq jasaǵany úshin kináli dep tanylyp, oǵan 7 AEK (16 835 teńge) mólsherinde ákimshilik aıyppul salyndy.
