Shyǵys Qazaqstanda úsh kúnde Pfizer vaktsınasyn 1 900-ge jýyq adam saldyrdy

ÓSKEMEN. QazAqparat – Shyǵys Qazaqstan oblysynda sońǵy úsh kúnde Pfizer vaktsınasyn 1 900-ge jýyq adam saldyrdy, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, óńirde koronavırýsqa qarsy amerıkalyq Pfizer vaktsınasyn balalar men jasóspirimderge, júkti jáne bala emizetin áıelderge saldyrý naýqany jalǵasýda.

«Qazirgi ýaqytta jalpy sany 1 900-ge jýyq adam ekpe alǵan. Vaktsınalaý barysynda barlyq talaptar qatań saqtalýda. Pfizer-di tek 12-18 jasqa deıingi balalar ata-anasynyń nemese zańdy ókiliniń kelisimi arqyly saldyrýda. Jalpy oblysqa atalǵan ekpeniń 35 100 dozasy jetkizilgen», - delingen aqparatta.

Esterińizge sala ketsek, osyǵan deıin ShQO statsıonarlarynda 557 naýqas koronavırýstan emdelip jatqany habarlanǵan.