Shyǵys Qazaqstanda úsh balyqshy sýǵa ketti
ÓSKEMEN. QazAqparat – Shyǵys Qazaqstanda úsh balyqshy sýǵa ketip, kóz jumdy, dep habarlaıdy QazAqparat oblystyq Tótenshe jaǵdaılar departamentiniń baspasóz qyzmetine silteme jasap.
ShQO TJD-ǵa Ulan aýdanynyń Qanaı aýylynda (Jańa Qanaı aýylynan 3 shaqyrym jerde-avt.) jergilikti turǵyndar sýdan 1958 jylǵy azamatty alyp shyqqany týraly habarlama tústi.
«Egdeleý er adam balyq aýlap otyrǵan jerinde abaısyzda qaıyqtan qulap, sýǵa batyp ketken. Sondaı-aq, Kókpekti aýdanyndaǵy Buqtyrma sý qoımasynda Qulynjon aýylynan 17 shaqyrym jerde 1981 jáne 1983 jylǵy eki balyqshynyń sýǵa ketkeni belgili bolyp otyr. Olar rezeńke qaıyqpen balyq aýlaýǵa shyǵyp ketken. Olardyń denesi 7 qazanda tabyldy», - dedi TJD.
Qutqarýshylar balyq aýlaý kezinde azamattardy abaı bolýǵa shaqyrady.
