Shyǵys Qazaqstanda ury úı tonap jatqanda uıyqtap qalǵan
JARMA AÝDANY. QazAqparat – Shyǵys Qazaqstanda ury páter tonaý kezinde uıyqtap qalǵan, dep habarlaıdy QazAqparat Shyǵys Qazaqstan oblysy polıtsııa departamentiniń baspasóz qyzmetine silteme jasap.
Polıtsııanyń málimetinshe, 54 jastaǵy kúdikti azamat óz kinásin moıyndaǵan. Ol 19 maýsym túninde alkogoldi mas kúıinde ıesi joq ekenin aldyn ala bilip, jekemenshik úıge kirip ketken.
«Polıetılen paketke 8 myń teńgege azyq-túlik jınap alǵan ol qylmys jasaý kezinde uıyqtap ketken. Tańerteń úıden urlaǵan zattarymen shyqqan boıda ustalyp, Jarma aýdanynyń polıtsııa bólimine jetkizildi. Er adamnyń buryn osyǵan uqsas qylmys jasaǵany úshin qylmystyq jaýapkershilikke tartylǵany anyqtaldy» dep túsindirdi polıtsııadan.
ShQO polıtsııa departamentiniń bastyǵy Saǵat Mádıev atalǵan fakti Sot aldyndaǵy tergeýdiń biryńǵaı tizilimine QR QK 188-babynyń 3-bólimi, 3-tarmaǵynda qarastyrylǵan qylmys belgileri boıynsha tirkelgenin habarlady.
Tergeý amaldary júrgizilip jatyr.
