Shyǵys Qazaqstanda tórt kúnnen beri shóp alqaptary órtenip jatyr
ÓSKEMEN. QazAqparat – Shyǵys Qazaqstan oblysy Abaı aýdanynda 3500 gektar aýmaqta qurǵaq shóp órtenip jatyr, dep habarlaıdy QazAqparat Tótenshe jaǵdaılar komıtetine silteme jasap.
«27 qyrkúıek kúni TJK qyzmetkerleri monıtorıng jasaý úshin órt aýmaǵyn tikushaqpen aralap, qyzyl jalynnyń taýly, jartasty, adam júre almaıtyn jerdegi shóp alqaptaryn sharpyǵanyn anyqtady. Órt aýmaǵy – shamamen 3500 gektar. Eldi mekenderge qaýip tónip turǵan joq» delingen habarlamada.
Tilsiz jaýdy aýyzdyqtaýǵa oblystyq TJD, Ulttyq ulan áskerı bólimi men jergilikti atqarýshy organdardyń kúsh-quraldary jumyldyrylǵan. Oqıǵa ornynda barlyǵy 242 adam jáne 29 tehnıka jumys istep jatyr.
Órt 24 qyrkúıekte bastalǵan bolatyn.
Sońǵy málimet boıynsha, 3500 gektar aýmaqtaǵy órt aýyzdyqtalǵan.
