Shyǵys Qazaqstanda temeki shegip otyryp, uıyqtap qalǵan turǵyn órtten qaza tapty
ÓSKEMEN. QazAqparat - Óskemende temeki shegý er adamnyń qaza bolýyna sebepshi boldy, dep habarlaıdy QazAqparat oblystyq tótenshe jaǵdaılar departamentine silteme jasap.
Búgin túnde Óskemen qalasynda Ahmer kenti aýdanyndaǵy Kommýnalnaıa kóshesinde ekipáterli úıden órt shyqqan. Qonaq bólmedegi jıhaz, túsqaǵaz, tóbe, jeke zattary men turmystyq tehnıka órtengen.
Órt sóndirýshiler 15 sharshy metrdegi órtti aýyzdyqtady. Oqıǵa ornynan 1985 jyly týǵan páter ıesiniń kúıip ketken denesi tabyldy.
«Tilsiz jaýdyń sebebi - sónbeı qalǵan temeki tuqylynyń dıvan men kıimge túsip, janýy. Qaza bolǵan adamnyn ápkesiniń aıtýynsha, marqum mas bolǵan» delingen habarlamada.
ShQO tótenshe jaǵdaılar departamentiniń málimetinshe, temeki shegý kezindegi abaısyzdyq pen nemquraılyq – órt tutanýynyń eń jıi kezdesetin sebepteriniń biri.
«Temeki tuqyly janǵysh materıal betine túskende ol jer byqsyp jana beredi, al temeki qaldyǵy sónip qalady. Byqsý oshaǵy qolaıly jaǵdaı týyndaǵan kezde órtke ulasýy yqtımal. Temekini jatyp shegý óte qaýipti, ásirise mas kúıde. Adamdar temeki qaldyǵy túsken jer janyp jatqan kezde shyǵatyn ýly gazǵa tunshyǵyp óledi. Ókinishke qaraı, temeki shegýshiler qarapaıym órt qaýipsizdigi erejelerine selqostyq tanytady jáne osylaısha óz ómirin qaterge tigedi» dep eskertedi vedomstvodan.
