Shyǵys Qazaqstanda taýly jerde shyqqan órtti sóndirý úshin poıyz tartyldy
ÓSKEMEN. QazAqparat – Shyǵys Qazaqstan oblysy Ulan aýdanynda taýly jerde shyqqan órtti sóndirý úshin poıyz tartyldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 5 tamyzda Ulan aýdany Smolıanka aýylynyń shetindegi taýly jerden órt shyqqan. Qyzyl jalyn shóp pen butalardy sharpydy.
- Qatty jel ottyń jyldam taralý qaýpin týdyrdy. Tilsiz jaýdy sóndirýge jedel túrde ormanshylar, jergilikti atqarýshy organdar men TJD jeke quramynan 71 adam men 10 tehnıka jumyldyryldy.
«Qazavıaormanqorǵaý» MI-2 tikushaǵymen jetýi qıyn jerge órt sóndirý desanty jetkizildi.
Sonymen qatar quramynda 10 adamy bar «KTJ UK» órt sóndirý poıyzyn jiberý týraly sheshim qabyldandy, - delingen aqparatta.
Órtti aýyzdyqtaýǵa taýly, jartasty jer qıyndyq keltirdi. Birlesken is-qımyldyń arqasynda órttiń jaqyn mańdaǵy eldimekenge taralý qaýpi seıildi.
Saǵat 20.35 shamasynda jalpy aýdany 9 gektarǵa jaıylǵan ot tejeldi.
