Shyǵys Qazaqstanda taýda 4 ret jarylys jasalyp, qar túsirildi
ShQO Tótenshe jaǵdaılar departamenti baspasóz qyzmetiniń málimetine súıensek, óńir aýmaǵyndaǵy 325 ýchaskede kóshkin júrý qaýpi bar.
Taý bókterinde jınalǵan qar joldy basyp qalmas úshin «Qazseldenqorǵaý» ShQ fılıalynyń mamandary turaqty túrde monıtorıng júrgizip, qajet kezde profılaktıkalyq maqsatta qar túsiredi.
«Búgin «Óskemen-Altaı» tasjolyndaǵy ýchaskeniń mańynda 4 ret jarylys jasaldy. Sonyń nátıjesinde, 11 660 tekshe metr qar túsirildi. Birden joldy qardan tazalaý jumystary qolǵa alyndy», - dep habarlady vedomstvo ókilderi.
Qutqarýshylardyń aıtýynsha, qar kóshkini bes-jeti tekshe metr kóleminde bolsa da adamǵa zııanyn tıgizýi múmkin. Sondyqtan taýǵa shyǵatyn týrıster men tasjoldardyń qaýipti ýchaskelerinen ótip bara jatqan júrgizýshilerge barynsha abaı bolý qajet.
Foto: ShQO Tótenshe jaǵdaılar departamenti