Shyǵys Qazaqstanda taý bókteri qardan tazartylyp jatyr

ÓSKEMEN. QazAqparat – Shyǵys Qazaqstan oblysynda taý bókteri qardan tazartylýda, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, «Qazseldenqorǵaý» mekemesiniń mamandary qar kóshkininiń aldyn alý sharalaryn júrgizip jatyr.

12 aqpanda «Óskemen-Serebrıansk-Altaı» tasjolynda jasandy jolmen qar kóshkini túsirildi.

«Qubylmaly aýa raıy men jeldiń kúsheıýine baılanysty atalǵan jol ýchaskesinde kóshkin júrý qaýpi arta túsken. Barlyǵy 2520 tekshe metr túsirildi. «Kazavtodor» qyzmetkerleri birden qardy tazalap, joldy ashty» delingen habarlamada.

Esterińizge sala ketsek, keshe de ShQO-da jasandy jolmen qar túsirilgen.