Shyǵys Qazaqstanda tasjolda kólik qaqqan 20 jastaǵy jigit kóz jumdy
ÓSKEMEN. QazAqparat – Shyǵys Qazaqstan oblysyndaǵy tasjolda kólik qaqqan jigit qaza boldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, jol-kólik oqıǵasy respýblıkalyq mańyzy bar «Óskemen-Altaı-Úlken Naryn-Katonqaraǵaı-Rahman qaınarlary» tasjolynyń Altaı aýdany Polıanskoe aýylynyń mańynda bolǵan.
«Suzuki» avtokóligin tizgindep kele jatqan júrgizýshi 20 jastaǵy jigitti qaǵyp ketken. Sonyń saldarynan aýyr dárejedegi dene jaraqatyn alǵan jaıaý júrginshi sol jerde kóz jumdy», - dep habarlady vedomstvo ókilderi.
Qazirgi ýaqytta polıtsııa qyzmetkerleri atalǵan fakti boıynsha QR Qylmystyq kodeksiniń 345-baby 3-bóligine (kólik basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy saldarynan abaısyzda adam ólimine ákep soǵýy) sáıkes sotqa deıingi tergeý amaldaryn bastady.
