Shyǵys Qazaqstanda taǵy birneshe jolda kólik qozǵalysy shekteldi
ÓSKEMEN. QazAqparat – Shyǵys Qazaqstan oblysynda taǵy birneshe jolda kólik qozǵalysy shekteldi, dep habarlaıdy QazAqparat tilshisi.
«Qazaqavtojol» JShS Shyǵys Qazaqstan oblystyq fılıalynyń málimetine súıensek, 25 aqpanda saǵat 18:20-dan bastap kúnniń buzylýyna, naqty aıtqanda boran soǵyp, joldyń durys kórinbeýine baılanysty respýblıkalyq mańyzy bar «Óskemen-Shemonaıha-RF shekarasy» tasjolynyń 15-102 shaqyrymynda jáne «Óskemen-Rıdder-RF shekarasy» tasjolynyń 15-105 shaqyrymynda júk kólikteri men avtobýstardyń qozǵalysy shekteldi.
Osy rette, oblystyq Tótenshe jaǵdaılar departamenti turǵyndarǵa alys saparǵa shyqpaýǵa, joldardyń jaı-kúıin «Dármen» mobıldi qosymshasy arqyly tekserip otyrýǵa keńes beredi.
Esterińizge sala ketsek, osyǵan deıin Shyǵys Qazaqstandaǵy tasjoldardyń biri jabylǵanyn habarlaǵan bolatynbyz.
