Shyǵys Qazaqstanda taǵy bir adam sýǵa ketti
ÓSKEMEN. QazAqparat – Shyǵys Qazaqstan oblysy Glýbokoe aýdanynda 1963 jylǵy er adam sýǵa batyp ketti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Glýbokoe aýdanynyń turǵyny Veseloe aýylyndaǵy Krýtıha ózeninde shomylyp júrgen. Ol dostarymen birge sýǵa túsýge ruqsat etilmegen jaǵajaıǵa demalý úshin barǵan. Sýǵa batyp ketken azamattyń denesin dostarynyń biri alyp shyqty.
«Óńir jurtshylyǵyna jabdyqtalmaǵan jaǵajaılarǵa barmaý qajettigin eskertemiz. Ondaı jerlerde sýǵa túsý óte qaýipti. Qutqarýshylar men medıtsına qyzmetkerleriniń beketi de joq», - dep habarlady vedomstvo ókilderi.
Esterińizge sala ketsek, osyǵan deıin Shyǵys Qazaqstan oblysy Altaı aýdanynda 27 jastaǵy áıel 8 jasar balasymen birge sýǵa batyp ketkenin habarlaǵan bolatynbyz.
