Shyǵys Qazaqstanda sý tasqynynyń úsh tolqyny kútilýde
ASTANA. QazAqparat - Sınoptıkter sý tasqynynyń úsh tolqynyn boljaýda, ol óńirde naýryzdyń ekinshi onkúndiginde bastalyp, shamamen maýsymnyń ortasyna deıin jalǵasýy múmkin.
Qutqarýshylar ShQO-nyń eldi mekenderin sý basqan jaǵdaıǵa evakýatsııalyq komıssııalar uıymdastyrdy, dep habarlady YK-news.kz.
TJD ókilderi habarlaǵandaı, bıyl qysta ShQO-nyń iri basseınderinde qardyń jınalýy normadan 30-60 paıyzǵa asyp túsken.
«Olardyń ishinde Qara Ertis, Qaljyr, Kúrshim, Buqtyrma, Turǵusun, Oba jáne Úlbi ózenderi bar, - dep habarlady ShQO TJD aldyn alý bóliminiń bas mamany Konstantın Borovıkov. - Tasqyndar kezinde ózen, sý qoımalaryndaǵy sý mólsheri ulǵaıatyny boljanýda. Qaýpti aımaqta 110 eldi meken qalýy múmkin, olarda 66 myń adam turatyn 18 myń úı ornalasqan. Sý basý aımaǵynda, sondaı-aq 97 shaqyrym temir jol, 26 shaqyrym respbýlıkalyq mańyzy bar jol, 144 shaqyrym jergilikti mańyzy bar joldar qalýy yqtımal».
Sınoptıkterdiń boljamynsha, bıyl óńirde sý tasqynynyń úsh tolqyny kútilýde.
«Birinshi tolqyn naýryzdyń ekinshi onkúndiginen sáýirdiń ekinshi onkúndigine deıin bolatyny kútilýde, - dep atap ótti Konstantın Borovıkov. - Ekinshi tolqyn sáýirdiń ekinshi onkúndiginen mamyrdyń birinshi onkúndiginiń aıaǵyna deıin. Úshinshi tolqyn mamyrdyń ekinshi onkúndiginen maýsymnyń ekinshi onkúndigine deıin jalǵasýy múmkin».
