Shyǵys Qazaqstanda sý tasqyny saldarynan 6 myńdaı adam qaýipsiz jerge kóshirildi
ÓSKEMEN. Naýryzdyń 22-si. QazAqparat /Lıýdmıla Malko/ - Shyǵys Qazaqstanda keshe keshke jalpy eseppen 6319 adam qaýipsiz jerge kóshirildi - sý tasqyny 877 turǵyn úıdi, 249 qora-qopsyny, 18 qystaýdy shaıyp ketti.
Jergilikti atqarýshy organdardan, tótenshe jaǵdaılar mınıstrliginiń bólimderinen, polıtsııa men jergilikti halyqtyń qatarynan 1921 adam qutqarý sharalaryna tartylyp otyr. Qyzylsýdan ásirese Tarbaǵataı, Abaı, Kúrshim, Zaısan aýdandary qatty zardap shegýde.
Qostanaıdan kelgen Soltústik aımaqtyq aeroutqyr qutqarýshylar jasaǵy, jergilikti atqarýshy organdar men polıtsııa qyzmetkerleri birlesip, Jantikeı aýylyndaǵy Sátbaev atyndaǵy mektepte bas saýǵalap otyrǵan halyqty Aqsýat, Ekpin aýyldaryna kóshirdi. Ázirge 40-tan astam adam kóshirildi, áli 787 adamdy kóshirý kerek. Qatty jel qutqarýshylardyń jumystaryn qıyndatyp otyr.
Pavlodar jáne Ekibastuzdan kómekke jetken qutqarýshylar adamdardy Qabanbaı jáne Táýke aýyldaryna kóshirýde.
