Shyǵys Qazaqstanda sý basqan turǵyn úıler joq
ÓSKEMEN. QazAqparat – Shyǵys Qazaqstan oblysynda kóshelerden qarǵyn sýdy sorǵylaý jumystary júrgizilýde, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, búginde aýa temperatýrasynyń kúrt jylynýyna baılanysty qardyń jyldam qarqynmen erýi baıqalady. Oblys aýmaǵynda sý basqan turǵyn úıler joq. Kóshelerde kommýnaldyq qyzmetter erigen sýdy sorǵylaý jumystaryn júrgizýde.
«Departament qyzmetkerleri ótken táýlikte kóshelerden jáne turǵyn úı sektorynan 6832 tekshe metr sý soryp, shyǵardy. Osy maqsatta 21 tehnıka, 29 motopompa jáne jeke quramnan 77 adam jumyldyrylǵan. Jergilikti atqarýshy organdardyń kúshimen táýligine 9245 tekshe metr sý soryldy», - delingen aqparatta.
Aıta keteıik, TJD daǵdarys ortalyǵynda sý tasqyny kezeńinde monıtorıng jasaý úshin táýlik boıy jumys isteıtin shtab qurylǵan. Qutqarýshylar men tehnıkalar saqadaı saı.
