Shyǵys Qazaqstanda sý basqan aýmaqtardaǵy joldar jabyldy
ASTANA. QazAqparat - Sý tasqynyna baılanysty tótenshe jaǵdaı jarııalanǵan Shyǵys Qazaqstan oblysy Aıagóz aýdanyndaǵy joldar jabyldy, dep habarlaıdy «QazAqparat» HAA «Kazahavtodor» JShS-ne silteme jasap.
11 naýryzda saǵat 16.30-dan bastap Qaraǵandy-Aıagóz-Buǵaz tas jolynyń «Barshatas aýyly-Aıagóz qalasy» ýchaskesi kóliktiń barlyq túri úshin jabyldy. Toqtaýsyz aqqan qarǵyn sýǵa baılanysty osy ýchaskede mashınalardyń júrýine tyıym salyndy.
Sondaı-aq saǵat 19.00-den bastap Aıagózden Qalbataýǵa deıin qoǵamdyq kólik úshin jol jabyq.
Budan basqa, nóser jańbyr men kóktaıǵaqqa baılanysty Zyrıanovsk qalasyna deıin jol jabyq kúıinde qaldy. Bull baǵytqa qosymsha poıyz qatynaıtyndyǵy habarlanyp otyr.
