Shyǵys Qazaqstanda sý aıdyndarynyń jaǵasynda mas kúıde júrgen 11 adam jaýapqa tartyldy
ShQO tótenshe jaǵdaılar departamenti baspasóz qyzmetiniń málimetinshe, qutqarýshylar sý aıdyndarynda qaıǵyly jaǵdaılardyń aldyn alý maqsatynda baqylaýdy kúsheıtti.
Ótken jyly shomylý maýsymynda óńir boıynsha 7 adam sýǵa batyp ketti. Barlyq jazataıym oqıǵa shomylýǵa ruqsat etilmegen ýchaskelerde bolǵan. Qazirgi ýaqytta oblysta sýǵa túsýge tyıym salynǵan 111 ýchaske bar. Bıyl sol jerlerge 167 tyıym salý belgisi ornatyldy.
«Qutqarýshylar, polıtsııa qyzmetkerleri men eriktiler sý aıdyndarynyń jaǵasyn patrýldeýde. Ótken aptada 250-den astam reıd júrgizildi. Sonyń nátıjesinde, QR ÁQBtK-niń 364-babymen (Jalpy sý paıdalaný erejelerin buzý) 7 adam jáne 440-baby (alkogoldik ishimdikter ishý nemese qoǵamdyq oryndarda mas kúıde júrý) boıynsha 11 adam jaýapqa tartyldy», - delingen aqparatta.
Eske salsaq, osyǵan deıin ShQO-da arnaıy jabdyqtalmaǵan jaǵalaýda shomylǵan er adamnyń sýǵa batyp ketkeni habarlanǵan.