Shyǵys Qazaqstanda sońǵy táýlikte 5 órt shyqty

ÓSKEMEN. QazAqparat – Shyǵys Qazaqstan oblysynda kesheli beri 5 órt boldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 2 qarasha kúni Jarma aýdany Gaınýllın kóshesinde ornalasqan jeke turǵyn úıdiń aýlasynda 18 tonna pishen jandy. Aldyn ala málimet boıynsha órttiń shyǵýyna otty abaısyz qoldaný sebep bolǵan.

«Dál osyndaı sebeppen Shemonaıha aýdanynda jer úıge japsarlaı salynǵan sharýashylyq qora-jaıdy jalyn sharpydy. Órt sóndirýshiler 8 sharshy metrdi quraǵan tilsiz jaýdy aýyzdyqtady. Sondaı-aq Tarbaǵataı aýdanynda jeke turǵyn úı aýlasynda jalpy aýdany 50 sharshy metr bolatyn sharýashylyq qora-jaı shatyrynyń aǵash qurylymdary órtendi», - delingen aqparatta.

Osy kúni Altaı aýdanynda jer úıdiń shatyry jandy. Qutqarýshylar jalpy aýdany 230 sharshy metrge jetken órtti óshirdi. Kók tútin saldarynan 2 shoshqa, 11 eshki jáne 12 taýyq qyrylǵan. Órttiń shyǵý sebebi anyqtalyp jatyr.

3 qarashada Rıdder qalasyndaǵy Zagorodnaıa kóshesinde ornalasqan jeke turǵyn úı aýlasyndaǵy sharýashylyq qora-jaıdyń aǵash qurylymdary men «ÝAZ» markaly avtokólik otqa oranǵan. Jalynnyń jalpy aýdany – 50 sharshy metrge jetti.

Aıta keteıik, 2021 jyldyń basynan beri Shyǵys Qazaqstanda 1251 órt bolǵan.