Shyǵys Qazaqstanda sońǵy eki aıda 723 qylmys ashyldy

ÓSKEMEN. QazAqparat – Shyǵys Qazaqstan oblysynda qańtar aıynan beri 723 qylmys ashyldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, tártip saqshylary qańtar aıynan óńir aýmaǵynda «Quqyqtyq tártip» jedel aldyn alý sharasyn júrgizip jatyr.

Sol ýaqyttan beri 1106 qylmys tirkelip, onyń 723-i ashyldy.

«Esirtki zattaryn zańsyz saqtaýdyń 42 faktisi anyqtalǵan. Sondaı-aq 13 803 ákimshilik quqyq buzýshylyq tirkeldi. Atap aıtqanda, usaq buzaqylyq jasaǵan 3 469 adam, qoǵamdyq orynda mas kúıde júrgen 4 906 adam, ishimdik iship kólik tizgindegen 197 adam jaýapqa tartyldy», - dep habarlady vedomstvo ókilderi.

Shara barysynda barlyǵy 13 207 úı tekserilgen.

Budan bólek, 1 471 qaraýsyz qalǵan ǵımarat, 7 154 saıajaı, jalǵa beriletin 4 096 páterge tekserý júrgizildi.