Shyǵys Qazaqstanda sońǵy bes kúnde 9 jol apaty boldy
NUR-SULTAN. QazAqparat – Aýa raıy buzylyp, kún sýytqaly Shyǵys Qazaqstan oblysynda jol apaty jıilep ketti, dep habarlaıdy QazAqparat óńirlik polıtsııa departamentiniń baspasóz qyzmetine silteme jasap.
«Sońǵy bes kúnde Shyǵys Qazaqstanda 9 jol-kólik oqıǵasy tirkeldi. Onyń saldarynan 9 jaıaý júrginshi jaraqat alyp, aýrýhanaǵa jatqyzyldy», - dep málim etti baspasóz qyzmeti.
«Jol boıyndaǵy qabyldaý» aktsııasy aıasynda ashylǵan mobıldi beketterde azamattarǵa profılaktıvalyq únparaq taratylyp jatyr. Patrýl polıtseıleri kólik júrgizýshilerine jol júrý jyldamdyǵyn tańdaıtyn kezde aýa raıyn eskerýdi ótinedi. Kenetten manevr jasamaı, kólikti aıaq astynan toqtatý nemese jyldamdyqty asyrýdan aýlaq bolýǵa shaqyrady. Kún buzylyp, sýytyp ketkenin eskersek, bul áreketter jol apatyna aparyp soqtyrýy múmkin.
Sondaı-aq tártip saqshylary jaıaý júrginshilerge de jol erejelerin saqtaý kerektigin eske saldy. Joldy ruqsat etilmegen jerde kesip ótýge bolmaıtynyn aıtyp, barlyq kólikter jol bergenine kóz jetken kezde ǵana kósheniń arǵy betine ótýge keńes berdi.
