Shyǵys Qazaqstanda shekteý sharalary qańtardyń aıaǵyna deıin uzartyldy
ÓSKEMEN. QazAqparat – ShQO Bas memlekettik sanıtarlyq dárigeri mindetin atqarýshynyń jańa qaýlysy shyqty, dep habarlaıdy QazAqparat tilshisi.
Qaýlyda jazylǵandaı, óńir boıynsha karantındik shekteýler 31 qańtarǵa deıin uzartyldy. Shekteý sharalarynyń merzimi oblys aýmaǵynda COVID-19 ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin.
«Sanıtarııalyq-dezınfektsııalyq rejımdi kúsheıte otyryp, arnaıy, mamandandyrylǵan uıymdar, erekshe qajettiligi bar balalarǵa arnalǵan arnaıy mektep-ınternattar, jalpy úlgidegi jáne daryndy balalarǵa arnalǵan mektep-ınternat qaıta ashylady. Medıtsınalyq uıymdarda, qarttar men múmkindigi shekteýli adamdarǵa arnalǵan medıtsınalyq-áleýmettik obektilerde, balalar úılerinde, áleýmettik ońaltý ortalyqtarynda sanıtarııalyq-dezınfektsııalyq rejımdi saqtaý jalǵasady», - delingen qujatta.
Sondaı-aq bilim berý mekemelerinde qoǵamdyq tamaqtaný obektileriniń jumysyna ruqsat berildi. Biraq ondaǵy kelýshiler sany 30 paıyzdan aspaýy tıis.
