Shyǵys Qazaqstanda shekaralyq aýdandardaǵy 25 mektep jóndeýden ótti
ÓSKEMEN. QazAqparat – Shyǵys Qazaqstan oblysynda shekaralyq aýdandarda ornalasqan 25 mektep jóndeýden ótti, dep habarlaıdy QazAqparat tilshisi.
ShQO ákimdiginiń málimetine súıensek, oblystyń 250 mektebi jańa modıfıkatsııa kabınetimen jabdyqtalǵan. 221 bilim berý nysanyna, onyń ishinde shekaramen shektes aýdandardaǵy 25 mektepke kúrdeli jáne qatardaǵy jóndeý jumystary júrgizildi.
«Osy jyldyń sáýir aıynan bastap qujattardy qabyldaýdyń elektrondy júıesi iske qosyldy. Bul júıe arqyly barlyǵy 20 930 oqýshy birinshi synypqa qabyldanǵan. «Jas maman» jobasy boıynsha bazalyq kolledjder janynan alty biliktilik ortalyǵy ashyldy. Onda kez kelgen oqý oryndarynyń stýdentteri jańa qural-jabdyqpen óndiristik tájirıbeden óte alady», - delingen aqparatta.
Jyl sońyna deıin osyndaı taǵy 5 ortalyq ashylmaq. Bul ortalyqtarda óndiristik tájirıbeden ótken stýdentter sany 3 myń adamdy qurap otyr.
