Shyǵys Qazaqstanda SES-ke «mına qoıǵan» ázilqoı ustaldy

ÓSKEMEN. QazAqparat – Shyǵys Qazaqstan oblysynyń turǵyny ázildep SES-ke «mına qoıǵan», dep habarlaıdy QazAqparat tilshisi ShQO polıtsııa departamentiniń baspasóz qyzmetine silteme jasap.

Qańtardyń basynda Glýbokovskıı aýdanyndaǵy PB «102» jedel kanalyna 56 jastaǵy azamat habarlasyp, tanysy Óskemen qalasyndaǵy SES-ke mına qoıǵanyn habarlaǵan.

Polıtsııa qyzmetkerleri men tıisti organdar tez arada oqıǵa ornyn tekserip shyqty.

Oqıǵa ornyna jetken mamandar jarylǵysh qurylǵyny anyqtaı almady. Habarlama rastalǵan joq.

«Sotqa deıingi tergeý barysynda eki adam spırttik ishimdik iship otyryp sózge kelip qalǵany anyqtaldy. Sóıtip azamattardyń birine qylmystyq oı kelgen. Oıǵa alǵan isin júzege asyrmaq bolǵan mas adam, is-áreketiniń mańyzdylyǵyn túsinbeı quqyq qorǵaý organdaryna jalǵan málimdeme jasap habarlasqan», - dedi ShQO PD basshysy Saǵat Madıev.

Osy fakt boıynsha Qazaqstan Respýblıkasy Qylmystyq Kodeksiniń 273-baby boıynsha (terrorızm aktisi týraly kórineý jalǵan habarlaý) sotqa deıingi tergeý júrip jatyr.