Shyǵys Qazaqstanda saılaý kúni 20-ǵa jýyq náreste dúnıege keldi

ÓSKEMEN. QazAqparat – Shyǵys Qazaqstan oblysynda saılaý kúni 17 náreste jaryq dúnıe esigin ashty, dep habarlaıdy QazAqparat tilshisi.

19 naýryz – Shyǵys Qazaqstan oblysyndaǵy 17 áıeldiń esinde máńgi qalary sózsiz. Sebebi bul kúni olardyń kópten kútken sábıleri dúnıege keldi.

«QR Parlamenti Májilisiniń jáne barlyq deńgeıdegi máslıhattardyń depýtattaryn saılaý kúni óńir boıynsha 17 náresteniń kindigi kesildi. Onyń ishinde 8-i ul, 9-y qyz. Óńirde barlyq sanattaǵy azamattardyń daýys berýi úshin tıisti jaǵdaılar jasalǵan. Perzenthanalarda jatqan áıelder úshin de saılaý ýchaskeleri jumys istep tur», - dep habarlady ShQO Aqparat ortalyǵy.

Aıta keteıik, Shyǵys Qazaqstan oblysy boıynsha barlyǵy 533 saılaý ýchaskesi jumys istep tur.

Eske salsaq, osyǵan deıin Óskemendegi saılaý ýchaskesinen fotoreportaj bergen edik.