Shyǵys Qazaqstanda sáýir aıynyń basynan beri 16 balany kene shaqty
ÓSKEMEN. QazAqparat – Shyǵys Qazaqstan oblysynda bıylǵy epıdemıologııalyq maýsym bastalǵaly beri 50-ge jýyq adamdy, onyń ishinde 16 balany kene shaqty, dep habarlaıdy QazAqparat tilshisi.
ShQO sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, sáýir aıynyń basynan beri endemııalyq aýmaqtarda 47 adamdy kene shaqty.
Onyń ishinde 14 jasqa deıingi 16 bala bar.
«Bıyl kene shaǵýdyń epıdemıologııalyq maýsymy oblysta kóktemniń alǵashqy aılaryndaǵy aýa temperatýrasynyń sýyq bolýyna baılanysty kesh bastaldy. Sondyqtan kene shaǵý kórsetkishi ótken jylǵy kezeńmen salystyrǵanda birshama az», - delingen aqparatta.
Óńir aýmaǵynda kene ınfektsııalarymen aýyrý jaǵdaılary tirkelgen joq.
Kópjyldyq epıdemıologııalyq taldaý nátıjeleri kórsetkendeı Shyǵys Qazaqstanda bul aýrýdyń alǵashqy jaǵdaılary mamyr aıynda tirkeledi.
