Shyǵys Qazaqstanda sáýir aıy bastalǵaly 6 dala órti sóndirildi
ÓSKEMEN. QazAqparat – Shyǵys Qazaqstan oblysynda 1 sáýirden bastap dala órtteri tirkelýde, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 1 sáýirden bastap Zaısan, Tarbaǵataı, Kúrshim jáne Besqaraǵaı aýdandary men Kýrchatov qalasynda dala órti shyqqan.
«Qutqarýshylar sol jerlerge dereý attanyp, qyzyl jalyndy tolyqtaı aýyzdyqtady. 6 órttiń jalpy aýdany 76 gektardy quraǵan. Tilsiz jaýdyń shyǵý sebebi kóp jaǵdaıda – otty abaısyz paıdalanýdan bolyp otyr», - delingen aqparatta.
Vedomstvo dereginshe, óńirde órt qaýpi bar kezeń ádette 15 sáýirden bastalady. Osy rette, departament mamandary oblys jurtshylyǵyna órt qaýipsizdik erejelerin qatań saqtaý qajettigin eskertti.
