Shyǵys Qazaqstanda sanıtarlyq-karantındik baqylaý kúsheıtildi
ÓSKEMEN. QazAqparat – Shyǵys Qazaqstanda Nur-Sultan jáne Almaty qalalarynan keletin avtobýs, ushaq, temir jol jáne ózge de kólik jolaýshylaryn túsirý pýnkteriniń bárinde memlekettik sanıtarlyq-epıdemıologııalyq baqylaý qyzmeti tekserý júrgizedi, dep habarlaıdy QazAqparat tilshisi.
ShQO taýarlar men qyzmetterdiń sapasy men qaýipsizdigin baqylaý departamentiniń bapsasóz qyzmetinen habarlaǵandaı, oblysqa kelgen 10416 jolaýshydan anketa alynǵan. 185 kólik quraly tekserilgen.
«Anketaǵa Nur-Sultannan kelgen 3942 jolaýshy, Almatydan kelgen 5117 jolaýshy jaýap berdi. Sonymen qatar Reseı Federatsııasymen memlekettik shekaradaǵy bes avtokólik beketinde jáne QHR-men shekaradaǵy eki bekette sanıtarlyq-karantındik baqylaý kúsheıtildi», - dep habarlady departamenttiń baspasóz qyzmetinen.
Aıta keterligi, Shyǵys Qazaqstanda koronavırýs ınfektsııasyn juqtyrǵan adam tirkelgen joq.
