Shyǵys Qazaqstanda sakraldy jerlerdiń erekshelikteri zertteledi
ASTANA. QazAqparat - Shyǵys Qazaqstan oblysynyń ákimi Danıal Ahmetov óńirde Qoǵamdyq sanany jańǵyrtý baǵdarlamasyn iske asyrýdaǵy basym baǵyttar jaıynda baıandady, dep habarlaıdy QazAqparat.
Óńir ákimi atalǵan baǵdarlama oblystaǵy negizgi problemalardy sheshýge múmkindik beretinine toqtaldy.
«Jalpy bizde túrli baǵyttaǵy 33 ishki baǵdarlama bar. Bizdiń oıymyzsha, bes jyldyń ishinde bul baǵdarlama aıtyrlyqtaı qomaqty qarjydan quralady, alaıda onyń barlyǵy ózin aqtaıdy. Sebebi bul qujat alda turǵan negizgi mindetterdi sheshetin bolady. Sondyqtan óńirdegi úsh ýnıversıtet osy mańyzdy protseske jumyldyrylyp otyr», - dedi D. Ahmetov Prezıdent janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komıssııanyń úshinshi otyrysynyń aldynda bergen suhbatynda.
Sonymen qatar ol atqarylyp jatqan jumystar ár baǵyttaǵy sektorlardy qamtıtynyn jetkizdi.
«Bul baǵytta zertteý jumystaryna mán beriledi, onyń ishinde mektep oqýshylaryna da qatysty bolmaq. Sondyqtan osy sektordyń ózindik mańyzdylyǵy bar. Men «Shyǵys Qazaqstannyń órkenıettik fenomeni» atty negizgi baǵdarlamasyna, onyń ishinde Qazaqstannyń sakraldy jerlerine toqtalǵym keledi. Biz osy jerge egjeı-tegjeıli zertteý júrgizip, ata-babalarymyzdyń ıdelogııasyn tereń túsinip, nelikten osy sakraldy oryndarǵa búginde adamdar kópten keletinin zerdeleımiz», - dedi ol.
«Rýhanı jańǵyrý» Elbasynyń fılosofııalyq jumysyna negizdelgenine toqtalǵan ShQO ákimi, «bul turǵyda ótken kezeńge tereń taldaý jasalyp, onyń tereń maǵynasyn uǵynýǵa nazar aýdarylýda. Barshamyzdy bizdiń ata- babalarymyzdyń otansúıgishtik fenomeni qyzyqtyrady. Óıtkeni babalarymyz aýqymdy baıtaq jerimizdi jan-tánimen qorǵap keldi. Bul turǵyda olardyń ıdeologııalyq biriktirgish kúshi qaıda jatyr. Kúsh-qaıraty tasyp turǵan qarsylastaryna qaramastan, babalarymyz jerimizdi aman alyp qaldy», - dedi.
