Shyǵys Qazaqstanda rólge ıe bola almaǵan áıel kóligin aýdaryp aldy
ÓSKEMEN. QazAqparat – Kóligin basqara almaǵan jas áıel jol-kólik apatyna túsip, kólik jyraǵa qulaǵan. Zardap shekkender aýrýhanaǵa jatqyzyldy, dep habarlaıdy QazAqparat.
13 shilde kúni «Óskemen – Rahman qaınary» baǵytyndaǵy tasjolda «Lexus RX 300» kóligin júrgizip kele jatqan 35 jastaǵy áıel oblys ortalyǵynan 88 shaqyrym jerde, Jańa Buqtyrma aýylyna burylysta kóligin basqara almaı, jyraǵa qulap ketken.
Jol-kólik oqıǵasy saldarynan avtokólik ıesi jáne 35 jastaǵy jolaýshy túrli jaraqatpen Altaı qalasyndaǵy ortalyq aýdandyq aýrýhanaǵa jatqyzyldy. Ekinshi – 33 jastaǵy jolaýshyny medıtsına qyzmetkerleri tekserip, úıine jiberdi.
Osy fakti negizinde QR QK 345-baby 2-bólimi boıynsha sotqa deıingi tergeý bastaldy.
