Shyǵys Qazaqstanda revaktsınatsııadan ótkender sany 500 myńnan asty

ÓSKEMEN. QazAqparat – Shyǵys Qazaqstan oblysynda revaktsınatsııadan ótkender sany 500 myńnan asty, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, óńirde COVID-19 ınfektsııasyna qarsy amerıkalyq Pfizer vaktsınasyn saldyrý naýqany jalǵasýda.

«Aımaq boıynsha atalǵan ekpeniń ekinshi komponentin 101 407 adam saldyrdy. Onyń ishinde 12-18 jas aralyǵyndaǵy 91 222 bala bar. Olardy vaktsınalaý tek ata-anasynyń ruqsatymen júrgizilýde. Sondaı-aq 2267 júkti jáne 7918 bala emizetin áıel ekpe aldy», - delingen aqparatta.

Budan bólek, oblysta 50 jastan asqan qarttar men medıtsına qyzmetkerleri Pfizer ekpesimen revaktsınatsııadan ótýde. Qazir osy sanattaǵy 28 393 adam úshinshi ret vaktsına alyp otyr.

Sońǵy málimetterge sáıkes, jalpy Shyǵys Qazaqstanda 504 627 adam koronavırýsqa qarsy revaktsınatsııadan ótken.