14:41, 28 Jeltoqsan 2021 | GMT +6
Shyǵys Qazaqstanda raqymshylyqqa ilingen 8 adam bostandyqqa shyqty
ÓSKEMEN. QazAqparat – Shyǵys Qazaqstan oblysynda 8 adamǵa raqymshylyq jasaldy, dep habarlaıdy QazAqparat tilshisi.
ShQO kolonııalarynan 8 sottalǵan azamat raqymshylyqpen bosatyldy. Olarǵa raqymshylyq soty Shyǵys Qazaqstan oblysynda onlaın rejımde ótti.
Sot qaýlysy jarııalanǵannan keıin sottalǵandar dereý bosatyldy.
Sottalǵandardy týystary da qýana qarsy aldy. Olardyń bireýi Óskemendegi 156/1 ýaqytsha ustaý ızolıatorynda otyrǵan azamat.
– Men alaıaqtyq boıynsha sottaldym. Jańa jyl qarsańynda bostandyqqa shyǵýym apam úshin tosynsyı boldy. Munda otyrǵan jyldary kóp sabaq aldym, – deıdi Vladıslav Slobodskoı.
Aıta keteıik, buǵan deıin túzetý mekemesinde jazasyn ótep jatqan azamattarǵa Táýelsizdiktiń 30 jyldyǵyna baılanysty raqymshylyq týraly zań túsindirilgen.