Shyǵys Qazaqstanda PTR anyqtamasy joq 49 jolaýshy ushaqqa otyrǵyzylmady
NUR-SULTAN. QazAqparat - Shyǵys Qazaqstan oblysynda 49 jolaýshy PTR anyqtamasy bolmaǵandyqtan Nur-Sultan, Almaty jáne Shymkent qalalaryna qatynaıtyn ushaqtarǵa otyrǵyzylmady. Bul jaıynda kóliktegi bas memlekettik sanıtar dáriger Sadýaqas Baıǵabylov málim etti, dep habarlaıdy QazAqparat tilshisi.
Onyń dereginshe, 2 qarasha kúni Shyǵys Qazaqstan oblysynan Nur-Sultan, Almaty jáne Shymkent qalalary baǵytynda PTR anyqtamasy bar 385 jolaýshy ushyp ketti.
«Óskemen men Semeı áýejaılarynda Nur-Sultan áýe reısine PTR anyqtamasy 33 adam jiberilgen joq. Olardyń ekeýinde anyqtamanyń jaramdylyq merzimi ótip ketsek, 31-inde múldem anyqtama bolmaǵan. Al Almaty áýe reısine Óskemen men Semeı qalasynyń áýejaıynan 11 adam PTR anyqtamasy bolmaǵandyqtan ushaqqa otyrǵyzylmady. Sonymen qatar Óskemennen Shymkent baǵytyndaǵy áýe reısine PTR anyqtamasy joq 5 adam jiberilmedi», - deıdi Sadýaqas Baıǵabylov.
Esterińizge sala keteıik, 2 qarashadan bastap Shyǵys Qazaqstan oblysynda COVID-19 boıynsha jańa shekteý sharalary engizildi. Oǵan sáıkes, ShQO-dan áýe nemese temir jol kóligimen basqa óńirlerge saparlaıtyn barlyq jolaýshylarda PTR saraptamasyn tapsyrǵany jáne onyń teris nátıjesi kórsetilgen anyqtamasy bolýy tıis.
