Shyǵys Qazaqstanda ózendi kesip ótpek bolǵan 47 jastaǵy shopan sýǵa ketti
ASTANA. QazAqparat - Aıagóz ózeninde 47 jastaǵy shopan ótkeldiń bolmaýy saldarynan sýǵa batyp, qaza tapty, dep habarlaıdy «QazAqparat» HAA tilshisi ShQO TJ departamentiniń baspasóz qyzmetine silteme jasap.
«Qoıshylar azyq-túlik qoryn molaıtý maqsatynda 100 shaqyrymdy aınalyp ótkisi kelmeı, ónimderdi aǵyny qatty ózenniń ústinen eki jaǵaǵa tartylǵan arqan arqyly jetkizbekshi bolǵan. Azyq-túlik salynǵan qap arqannyń ortasynda - 20 metrinde turyp qalady. Er kisi arqandy ustap turyp, qapty jyljytpaqshy bolǵanda, sýǵa aǵyp ketedi», - delingen habarlamada.
Ol arqannan qoly shyǵyp ketken soń 200 metr jerge deıin ólimmen arpalysady. Kýágerler eshqandaı kómek kórsete almady.
Tereńdigi 15 sm bolatyn sý keship ótip bara jatqan adamdy, al tereńdigi 50 sm-dy quraıtyn sý avtokólikti aǵyzyp áketýi múmkin ekendigi atalyp ótildi.
Sýǵa aǵyp ketken er kisiniń denesin demalys kúni Shyǵys óńirlik aeroutqyr jedel qutqarý jasaǵynyń súńgýir-qutqarýshylary 5 shaqyrym qashyqtyqtan tapty.
