Shyǵys Qazaqstanda ótken demalys kúnderi 5 órt shyqty
ÓSKEMEN. QazAqparat – Shyǵys Qazaqstan oblysynda ótken demalys kúnderi 5 órt shyqty, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, Rıdder qalasyndaǵy Izobılnaıa kóshesinde ornalasqan jeke turǵyn úı aýlasyndaǵy garajda órt boldy.
Oqıǵa ornyna shuǵyl kelip jetken qutqarýshylar jalpy aýdany 10 sharshy metrge jetken qyzyl jalyndy sóndirdi.
«Semeı qalasynda jer úıdiń aǵash qurylymdary, tóbe jabyndysy, esik, jıhaz, jáne jeke zattar otqa oranǵan. Aldyn ala málimet boıynsha órttiń shyǵýyna – pesh ornatý jáne paıdalaný kezindegi qaýipsizdik erejelerin saqtamaý sebep boldy. Sondaı-aq Besqaraǵaı aýdanynda jeke turǵyn úı aýlasynda monsha órtengen. Jalynnyń jalpy aýmaǵy 12 sharshy metrdi qurady», - delingen aqparatta.
Rıdder qalasynda Gorno-Altaıskaıa kóshesindegi 2-qabatty kóppáterli úıde órt shyqty.
Ekinshi qabattaǵy páterde jatyn bólmeniń aǵash qurylymdary, jıhaz, turmystyq tehnıka men jeke zattar janǵan.
Ottyń shyǵýyna elektr jabdyqtaryn ornatý jáne paıdalaný kezinde órt qaýipsizdigi talaptaryn saqtamaý sebep bolýy yqtımal.
Budan bólek, Óskemende Grajdanskaıa kóshesindegi jer úıdiń aýlasynda ornalasqan monsha órtendi. Tilsiz jaýdyń jalpy aýdany – 10 sharshy metrdi quraǵan.
Aıta keteıik, jyl basynan beri Shyǵys Qazaqstanda turǵyn úı sektorynda 807 órt boldy.
