Shyǵys Qazaqstanda ótken aptada 55 orman órti tirkeldi
ÓSKEMEN. QazAqparat – Shyǵys Qazaqstan oblysynda ótken aptada 55 orman órti tirkeldi. Mamandardyń aıtýynsha, bul rekordtyq kórsetkish, dep habarlaıdy QazAqparat tilshisi.
ShQO Orman sharýashylyǵy jáne janýarlar dúnıesi aýmaqtyq ınspektsııasynyń málimetine súıensek, óńirde orman órti órship tur.
«Tek sońǵy 7 kúnde oblysta ormannan 55 ret órt shyqqan. Bul buryn-sońdy bolmaǵan kórsetkish. Tek Semeı orman sharýashylyǵynda 50 órt tirkelip otyr. Tilsiz jaýdyń jalpy aýdany 10,09 gektardy quraǵan. Osynyń saldarynan memleketke keltirilgen jalpy shyǵyn mólsheri bes mıllıon teńgeden asady. Jel ekpini sekýndyna 20 metrge deıin jetip, aýa temperatýrasy +27 gradýs bolǵandyqtan jalyn jyldam tarap ketken», - delingen aqparatta.
Kóp jaǵdaıda órttiń shyǵýyna naızaǵaı sebep bolýda. Sondyqtan mamandar óńir jurtshylyǵyna ázirge ormandy jerlerge barmaýǵa keńes beredi.
